x

Реґіоналны днї Русиньской културы в Меджілабірцях

00

З нагоды взнику І. Світового конґресу Русинів в Меджілабірцях ся днесь одбывать подїя з назвов Реґіоналны днї Русиньской културы. Перед 32 роками ся в Меджілабірцях зышли заступцёве Русинів з многых країн на І. Світовім конґресї Русинів. Ішло о велику зміну, бо десяткы років были Русины в комуністічнім блоку заказаны а вшытко русиньске было означоване за україньске. Ославы ся зачнуть о 13.00 год. при сохі Александра Духновіча перед Основнов школов Александра Духновіча в Меджілабірцях. Одты ся пересуне процесія містом зо заставами перед памятну таблу І. Світового конґресу ку Дому културы, де ся одбуде і културный проґрам, на котрім выступлять ансамблї і солісты русиньской културы, дїточкы з МШ і ОШ Духновічова з Меджілаборець, ОШ Коменьского з Меджілаборець і дїточкы з МШ Сонечко з Чабив.

(Лабірьскы Русины, Шутіова)

(TASR, Шутіова)