x

Любовняньскый реґіон собі припомяне сто років од кральовской свадьбы

00

Занедовго мине 100 років од кральовськой свадьбы прінца Реніера де Боурбон-Сіціліс і ґрофкы Кароліны Замоиской, котра ся одбыла в року 1923 в ґоралскім селі Вышні Ружбахы. З той нагоды приправують єднотливы інштітуції і орґанізації в реґіоні Стара Любовня і містьтна самосправа розмаїты  події. Інформувала о тім ведуча одділіня школства, културы, шпорту і молоджі на Містьскім уряді в Старій Любовні  Ева Колларова. Так наприклад, Любовняньска бібліотека выголосила вытварне змаганя про школярів матерьскых і основных школ. Під патронатом Радіа Реґіна Кошыці взникла літерарно-драматічна форма в рамках ціклу Пригоды про тото місце з пера Петра Карпінского і о спомянутій вызначній події. Село Вышні Ружбахы  і тамтешні купелі собі свадьбу припомянуть пару културныма і сполоченьскыма подіями. Діректор Любовняньского музея Далібор Мікулік інформував, же на граді Любовня іншталують нову выставу, котра буде мати назву Кральовськы невісты. Выстава буде доступна 30-го апріля в рамках славностного одкрытя літньой турістичной сезоны на граді. (TASR, Pkf)