В пондільок в Бруселі одштартовав пятьтыждньовый маратон інтезівных їднань меджі Европсков унійов і Великобрітанійов. Цільом є зробити проґрес односно побрексітовых односин і передыйти тому, жебы не быв зробленый жаден договор, звернула увагу пресаґентура AFP. Суть то першы їднаня од зачатя коронакрізы в марці. Розговоры будуть проходити в Бурселі і Лондоні аж до кінця юла. Подля аґентуры выїднавачі обидвох сторон назначують мірный оптімізм і зінтензівніня розговорів беруть як новый імпулз на досягненя проґресу по тім, як попередні штири кола не принесли желательны резултаты. Премєр Великобрітанії Борис Джонсон бы хотів можливый компроміс о „головных рисах політічного договору“ досягнути вже до кінця юла.

(Медвідь, TASR)