Сполупраца країн Вышеградской штирькы, просаджованя народных інтересів, політика підпоры родины і вопрос ілеґалной міґрації были вчера темами стрічі председы Народной рады СР Боріса Коллара з мадярьскым премєром Віктором Орбаном. На стрічі тыж зазвучало, же Мадярьско і Словакія мають інтерес на тім, же бы была Европска унія успішна, обідві країны шак будуть і надале просаджувати свої народны інтересы і будуть тырвати на сувереніті членьскых країн Унії. Коллар вызначів за прикладну політику мадярьской влады в області підпоры родины. Політици ся высловили і за  утриманя і посилніня сполупраці країн Вышеградской штирькы. (TASR, Pkf)