Европска унія у звязку з дорожныма обмеджінями аплікованыма в часі коронакрізы представила список 14 штатів, котрых обывателі будуть мати можность од днешнього дня слободні вступити на територію 31 европскых країн. Пресову аґентуру AP попердила, же Сполучены штаты америцькы ся на даному “безпечностному списку“ дестинацій ненаходять. Про векшыну обывателів Сполученых штатів то значіть, же з причіны їх епідеміолоґічной сітуації їм буде одмітнутый вступ до країн Европской унії і Шенґеньского простору найменше на дальшы два тыждні. Діпломаты Европской унії ся тыж договорили, же кажды два тыждні тот список будуть актуалізувати подля того, як ся буде захворіня COVID-19 в єднотливых країнах розвивати. (TASR, Pkf)