По піврочній реконштрукції одкрыли вчера у Свиднику Парк Людвіка Свободы. Проєкт названый Ескапады на князьскій дорозі самосправа реалізувала вєдно з партнером проєкту, польскым містом Ярослав. Цілковы кошты на реконштрукцію парку были у Свиднику скоро 500.000 евр а на польскім боку єден міліон. Як про нашы справы радія Русин.фм ведучій одбору выставбы свідницькой радниці Любош Чепан повів, „є то заключна часть реконштрукції цілой площадкы, де єй перша часть зачала перед 20 роками а днесь мы ю кінчиме. В рамках проєкту была зреалізувана нова коцкова выкладачка дорогы, пішникы не лем про ходців , але і про ціклістів, были комплетно зревіталізуваны травнаты території, выбудоване нове освітліня, даны новы лавкы, кошы і інформачны таблиці.“
(TASR)