Білоросійскы уряды вчера потвердили, же молодый муж затриманый в неділю в місті Гомель в часі протесту протів спорным презідентьскым вольбам, вмер в часі транспорту до арешту, інформувала аґентура AFP. Білоросійскый дослідницькый выбор уточнив, же 25-рочный муж быв одсудженый на 10 днів арешту. В Білорусії і вчера продовжували поулічны протесты протів презідентові Алехандрові Лукашенкові, котрого Централна волебна комісія выголосила за переможця недільных презідентьскых волеб. Вечур ся подля порталу Meduza.io зачала блокада дакотрых вызнамных транспортных доріг в Мінску. (TASR, Pkf)