Презідентка СР Зузана Чапутова нехоче з уряду пановати, але служыти людям Словакії. Повіла то у своїм інавґурачнім выступі по тім, што на урочістім засіданю Народной рады СР зложыла уставов предписане обіцяня і уяла ся функції. Як выголосила, „зложіньом уставного обіцяня переберам вшыткы обовязкы і повинності общой службы. Неприйшла єм панувати, прийшла єм служыти жытелям, Словакії. Буду служыти на хосен словацького народа, народностным меншын і етнічных ґруп жыючіх в Словацькій републиці.“ Зузана Чапутова далі понукать одборність, чутя і здравый актівістічный інтерес. Хоче помочі конштруктівній співпраці. Свій мандат хоче выконавати незалежні. З той нагоды наше радіо Русин.фм желать Зузані Чапутовій при выконавані єй мандату презіденткы СР вельо успіхів і абы свою службы выконавала честні і справодливо про добро і спокійність цілого народа. (TASR, Пкф)