Крестянскосоціална унія Баварії (ЦСУ), котра мать в даній країні Німецька довгочасове владнуче поставліня, очівідно у вчерайшых вольбах до країньского парламенту в Мюнхені прийшла о абсолютну векшыну. Выходить то з одгаднутя результатів країньскых волеб в Баварії, выходжаючіх з дослідженя меджі воличми. За даныма данями здобыла ЦСУ коло 35 процентів голосів, што є о 12 процентів менше, як здобыли в 2013 року. Аж о половину менше здобыла СПД, котрій ся приписує здобытя менше як 10 процентів голосів. Другов найсілнішов партійов в Баварії бы ся по новім мали стати Зелены, котры за одгаднутями бы мали здобыти коло 19 процентів. До країньского парламенту ся достане на „першу пробу“ і правіцово- популістична Алтернатіва про Німецько із прибытком приближні десятьох перцент голосів.
(ТАSR, Кімак)