Україньскый парламент вчера одобрив выголошіня Чеченьской републикы Ічкеріа за теріторію “дочасно окуповану Російов“. Дану резолюцію подля пресовой аґентуры Reuters очівідні розгнівать Москву, котра  в рамках своїх границь заставать нулову толеранцію протів хоцьякому выступліню сепаратізму. Ічкерія є історічнов назвов югоросійского реґіону Чеченьско, котрый быв по роспаді Совїтьского союзу з року 1991 спустошене двома кырвавыма войнами меджі російскыма силами і чеченьскыма сепаратистами. На чолі Чеченьска з переважні мослимскым обывательством стоїть  днесь приверженець Кремля і колышній воєньскый началник Рамзан Кадиров. Москва вымінов за лояліту протів Кремлю давать даному реґіону обровску фінанчну підпору. (TASR, Pkf)