В порадю 19. рочник Стропківскых днїв меду, котры ся одбудуть днесь і завтра, суботу (29.11.) в просторах Културного центра в Стропкові, є повязаный з конференціёв о пчолярьстві. Подїю орґанізує Словацькый союз пчолярїв ЗО Стропків а Місто Стропків. Днесь є на проґрамі презентація пчолїх продуктів про матерьскы і основны школы і штудентів, выгоднотіня вытварного змаганя Пчолы і пчолярї очамі дїтей а змаганя О найкрасшый медівник. Протягом цїлого дня ся буде одбывати творива дїлня в параджіню медівників. Дополідне была преднашка Ґабріела Фотька о общім лїкарьстві а пчолїх продуктах, пополідне о хові пчолїх матерей. В суботу є на проґрамі поздрав гостей зо заграніча, приговор председы Словацького союзу пчолярів Павла Філя, выгоднотіня змаганя о найлїпшый мед в окресї Стропків а святочне одовздаваню вызнаменань. З преднашков о сучасній сітуації у пчолярїню на Словакії передполіднём выступить Павел Філё а пополідне Юрай Топорчак з преднашков о сучасных проблемах здравя пчол.

(TASR, Шутіова)