Пряшівскый самосправный край (ПСК) буде завтра 27-го новембра 2025-го року гостити CIVEX семінар Европского выбору реґіонів венованый черезграничній сполупраці з Українов. Подія одбуде ся на Уряді ПСК в Пряшові де главнов темов є „Путь Україны к інтеґрації до Европской унії (ЕУ) і к єй обнові: задача реґіоналной черезгранічной сполупраці”. Семінар буде спрямованый на задачі реґіонів і містьтных самосправ при обнові України, причім ся буде діскутовати о реґіоналнім розвою, міґрації, едукації, торгу роботы, інoваціях і стратеґічній сполупраці в Карпатьскім реґіоні. На стрічі будуть брати участь члены Комісії CIVEX з цілой ЕУ, делеґація Европской комісії, словацькой і українськой публічной справы вєдно з ґубернаторами Закарпатя, Львівской і далшых областей, діпломаты і гості з Польщі, Чехії, Мадярьска, Австрії, Хорватії, Естонії і Румунії. (TASR, Пкф)