Староста западоукраїньского міста Львов Андрій Садовый на своїм контї в аплікації Телеґрам  днесь рано написав, же ракеты выпалены російсков армадов не засягли прямо містне меджінародне летїско, як ся первістно передпокладало, але недалеку будову, де ся оправляли летадла. TASR о тім інформує на основі справ станіць BBC a Sky News i аґентуры AFP. Садовый уточнив, же будову засягло дакілько ракет і знищіло ю. Голошены не были ниякы жертвы, кедьже роботы в товарни были перерушены іщі перед острїлёванём.

(TASR, Шутіова)