В середу 26-го новембра навщівили робітници і кліенты Денного стаціонаря св. Юды Тадеії в Гуменнім під веджіньом директора Ґрекокатолицькой харіты Петра Валічка і духовного справцю отця Владиміра Ноґы Катедралный собор святого Йоана Крестителя і просторы Архієпіскопского уряду, де їх прияв Высокопреосвященый владыка Йона Максим, пряшівскый архієпіскоп і митрополіта. Навщіва надвязовала на стрічу сперед рока і пів, коли владыка навщівив стаціонарь почас одпусту в Гуменнім. „Харітяци“ із вдячностьов заґратуловали владыкови ку його недавным народенинам і передали му подарунок – властноручны выробкы, котры почас вольночасовых актівностей в стаціонарі вырабляють. Владыка каждому подаровав маленьку ікону св. Николая Чудотворцю, котрого праздник занедовго припомянеме собі.

(Медвідь, ISPA)