Зброярьска фабрика ZVS Snina, котра належыть до портфолія словацькой зброярьской компанії MSM Group, планує до кінця рока дати роботу 30-ом людям. Матерьска фірма хоче в найблизшім періоді до розвитку сниньской фабрикы інвестовати шість міліонів евр, за котры бы ся мали выбудовати новы выробны просторы, змодернізовати стройовый парк, як і накупити новы шпеціалны технолоґії і строї. Подля ґенералного директора сниньской фабрикы Павла Чагоя тым фірма продовжує в тренді із остатніх років, коли у фабрици на штирираз підняли выробу і робочі місця. Моментално фірма глядать новых людей в реґіоні. Чагой повів, же преферують людей із строярьсков освітов і на конкретны робочі місця будуть людей школовати інтерно.