Днешня такзвана “дроґова“ леґіслатіва і загрожуючі высокы тресты на Словакії неповнять превентівный ани одстрашуючій ефект. Сітуацію хоче зліпшыти Мініастерство справодливості Словацькой републикы під веджіньом Луції Жітнянской, котра вчера представила пропозицію цілком новой правной управы. Цільом є, абы за триманя єднакого множества дроґы были даваны єднаковы тресты і абы были одгальованы і строгіше постигуваны головно ділеры. Робоча комісія зложена з одборників з різных областей, котры о пропозиції дискутовали пару років, дойшли так само к пересвідчіню, же превенція мать мати предность перед кріміналізаціов. Як увела Луція Жітнянска, пропонуєть, абы триманя незаважного множества дроґы была по першый раз трестана як переступок а аж в припаді повторюючого порушіня закона в перебігу 12 місяців як трестный чін.
(Петро Кімак-Фейко)