Ціперьскы міровы бісїды строскотали, затоже Турція ся не хоче вздати контролы. выголосив ціперьскый презідент Нікос Анастасіадіс в прояві на Валнiй стрїчi ОСН. Бісїды спосередкованы ґенералным таёмником ОСН Антоніом Ґутерсоном ся закінчіли в юлію без договору. Анастасіадіс увів, же за застрятя роковань на мертвім містї може вылучно неуступчіва позіція Турції а єй навргы заміряны на зредукованя Ціпру на турецькый протекторат. Анастасіадіс собі желать штат ведженый Ціперчанами про Ціперчанів. Ґрекы – Ґрецько і ціперьскы Ґрекы хотять, жебы Турція стягла вшыткых своїх 35 тісяч вояків з турецькой части острова, но Анкара сі стоїть за тым, же беспечностный контіґент залишить на далшых 15 років.
(Зденка Цітрякова)