Председа влады СР Роберт Фіцо одыйшов вчера з делеґаціов міністрів і пoдникателів на офіціалну навщівы Узбекiстану і Казахстану. Головным цільом путьованя є поглубліня білатералных одношінь СР з обидвома країнами, інформовав о тім Уряд влады СР. В Ташкенті ся Фіцо стрітив з презідентом Узбекiстану Шавкатом Мірзійоєвом, председом влады Абдуллом Аріповом і председничков Сенату Танзілов Нарбаєвов. Говорили о зміцніню взаємной білатералной співпрацi і господарьскых одношінь. Планує ся підписаня дакілько меморанд, наприклад о стратеґічных партнерскых одношінях і співпраці в польногосподарстві. Премєр буде брати участь і на подникательскім форумі, де ся буде діскутовати о проглибленю економічной співпрацы. В Астані ся Фіцо стрітить з презідентом Касымом-Жомартом Токаєвом і председом влады Олжасом Бектіновом, з котрыма буде діскутовати. (TASR, Pkf)