Любовняньскый музей приправує про шыроку публіку славностну подію з нагоды 40-го выроча існуваня сканзена під замком Любовня. Свято одбуде ся вечур в пятницю 15-го авґуста  в ареалі сканзена і принесе вынятковый умелецькый і духовный зажыток. Пресаґентуру TASR о тім інформовали з Любовняньского музея в Старій Любовні. Вечурній проґрам одкрыє фолклорный колектив Врховина з представліньом Xristus Loco – Місто Пана. Наслідно выступлять Ондрей Кандрач і Моніка Кандрачова. „Тема Xristus Loco – Христос на тім місці є тiсно повязана з історійов сканзена. В  1985-ім року ся публіці першый раз одкрыли двері музея в природі. В тиху деревяных домів дыхать минулость, просвітлена віров. Христос перебывать меджі деревом, каміньом, старoв архітектуров – в жывоті народа, історії і традиції,“ увели з музея. (TASR, Пкф)