Безперерывны представителі членьскых країн штатів Европской унії вчера підпорили договор о  строгішых азіловых і міґрачных правилах, ку котрым дошли посередници інштітуцій Европской унії (ЕУ). Інформує о тім аґентура DPA. Іспанія в заступліню членьскых штатів і Европского парламенту ся в децембрі договорили на компроміснім рішіню пропозиції цалковой реформы азілового сістему ЕУ. В будучности бы ся мали апліковати єднотны поступы на вонкайшых гранцях ЕУ і мав бы ся тыж вытворити механізмус солідаріты з країнами на югу Унії, котры суть выставлены силному міґрачному тиску. Договор, котрый вмістить в собі комплексный субор пропозицій правных норем з цільом понижыти нелеґалну міґрацію до ЕУ, мусять іщі формално одобрити міністры членьскых країн ЕУ і европосланці. Европскый парламент бы ю мав продіскутовати до кінця апріля. (TASR, Pkf)