В підтатраньскім селї Штырба поставлять новый пішник, буде вести по уліцї Чсл. армады поперед родинны хыжы. Штефан Біеляк з містного сельского уряду про TASR потвердив, же іде о уліцю в напрямі з центра села до Важца. Цїлковы наклады на выставбу суть на уровни веце як 240.000 евр. Головным доводом реалізації проєкту є безпечность пішых а зарівно і шоферів, кедьже в сучасности жытелї той і близкых уліць ходять по пути третёй класы, котра є спойніцёв до сусіднёго села Важец. ,,Тым пішником ся зарівно злїпшыть приступ жытелїв ку центру села а ку основным службам обчаньской выбавлености, наприклад ку школам, здравотному середовищу, церьквам і ку сельскому уряду, културному дому і ку склепім,“ пояснив Біеляк. Проєкт є сучасно в згодї з довгодобыма планами становленыма в Проґрамі господарьского і соціалного розвитку села Штырба 2015-2023.

(TASR, Шутіова)