Америцькый презідент Доналд Трамп выголосив, же підпише выконне наряджіня на дочасный заказ іміґрації до Споєных штатів в повязаню з тырваючов коронавірусовов крізов. Написав о тім в ночі на віторок на сіті Twitter, но без дефінованя далшых детайлів. Безпосередно не было ясне, котрых іміґрачных проґрамів ся його авізованый крок буде дотуляти, інформовала аґентура Associated Press. Трамп стоїть і за заказом подорожіня до Споєных штатів про особы з Кітаю і тяжко постиженых европскых держав. Про пандемію быв на дакілько тыжднів позаставленый майже цілый процес схвальованя візів, включно іміґрачных візів.

(Медвідь, TASR)