Партія SaS вызвала опозічных посланців Народной рады СР із KDH і клубу Slovensko, Za ľudí, KÚ, жебы не співпрацовали з премєром Робертом Фіцом при підпорі владной новелізації Конштітуції Словацькой републікы. Шеф лібералів Браніслав Ґрылінґ твердить, же новела пошкодить Словакію тым, же надряджує „ідентіту Словакії над права Европской унії“. Пожадав опозічных посланців, жебы не підлягли вабліню Фіца. О зміні Конштітуції бы ся мало дефінтівно голосовати на проходячім засіданю парламенту. На їй зміну треба холем 90 голосів депутатів. Подля премєра буде голосованя тісне. Посланці за KDH і посланці Анна Заборьска а Ріхард Вашечка із KÚ, котры суть в клубі Slovensko, Za ľudí, KÚ, припущають підпору новелы в другім чітаню. Но жадають зміны у фіналній верзії.

(Медвідь, TASR)