Аґенты западных справодайскых служеб суть пересвідчены, же російска приватна армада звана Ваґнерова ґрупа грать штораз важнішу задачу у войні Росії на Україні, причім існує реална можность, же ваґнеровці теперь творять найменше четвертину російскых бойовників. Увів то неназваный представитель западных служеб, котрого днесь цітовав портал британьского денника The Guardian. Бойова ефектівіта Ваґнеровой ґрупы в області выходоукраїньского міста Бахмут, де суть єй часті концетрованы, ся фурт покладать лем за обмежену. Неназваный представитель єдночасно описав темпо поступу ваґнеровців як таке мале темпо, же ‟даколи їм тырвать два тыждні, покы добють єдиный дом‟. (TASR, Pkf)