Академічный сенат Словеньской технічной універзіты (AS STU) в Братіславі вызвав председу Справной рады універзіты Мілана Фтачніка, абы ся вздав членства. Подля векшыны сенаторів вело його справуваня к довгочасовому пошкоджованю доброго мена Словеньской технічной універзіты  в общності і в очах дальшых высокых школ. Фтачнік про пресову аґентуру TASR повів, же немать радість з того, же AS STU продовжує в проглубованю конфліктів меджі орґанами STU. К вызві ся высловить аж по доручені узнесіня. (TASR, Pkf)