На части польской желізніці, котра была в понедільок пошкоджена выбухом, обновили у віторок ход в обидвох напрямах. Експлозії подля польскых урядів были повязаны з актом діверзії. Міністер інфраштруктуры Даріуш Клімчак повів, же транспорт быв знова даный до ходу приблизно о півночі. Пошкоджіня засягло інфраштруктуру штрекы чісло 7 на трасі Варшава Выходна – Дорогуск. Выбушны заряджіня были схоснованы в околіці села Міка в Ґарволіньскім повіті і Ґоломб в Пулавскім повіті. Премєр Доналд Туск в понедільок повів, же експлозія коло штації Міка мала правдоподобно за ціль зничіти влак на трасі Варшава – Деблін. Атаку означів за безпрецедентный акт діверзії ціленый проти безпекы польской державы і їй жытелів.

(Медвідь, TASR)