Українська безпечностна служба (SBU) в понеділок  ознамила, же по дослідженю быв обжалованый представитель україньской православной церькви, котрый ‟верейні oправдавав озброєну аґресію Росії проти Україні‟. Служба обжалованого неназвала. Інформації приніс портал америцькой телевізії CNN. SBU тыж увела, že проглядала дом і церьковны просторы метрополіту в єдній з дієцез у Віницькій області в середній часті Уркаїны і нашла летак і літературу з прокремельсков пропаґандов. Підозрілого натеперь будуть судити про штирї обвініня і грозить му трест до вышкы вісем років арешту. Україньска  православна церьков передтым была частьов московского патріярхату російской православной церькви, але в минулім року в маю єй найвысшы представителі ознамили, же перерушують односины з Москвов. Причінов было то, же російскый патріарха Кирило підпорив войну Росії проти Україні. (TASR, Pkf)