Америцькый презідент Доналд Трамп не хоче нуклеарну войну зо Севернов Корейов і його адміністратіва зробить вшытко, жебы тому заборонити. Вчера то повів америцькый міністер фінанцій Стівен Мнухін. Тото убезпечіня пришло в часі, коли Трамп веде остру войну слів з лідром Северной Кореї Кім Чонґ-уном, котра дотулять ся северокорейского нуклеарного проґраму і проґраму балістічных стріл. Трамп минулый тыждень в прояві на Валній громаді Орґанізації зъєдиненых народів выгрожовав, же Северну Корею тотално зничіть, кідь заатакує Споєны штаты Америкы або їй споєнців.
(Петро Медвідь)