Посланці крайского заступітельства ся днесь стрітли по першый раз в тім року на своїм засіданю. На проґрамі мають 31 пунктів, меджі іншыма управу розрахунку і одобріня фінанчного вкладу у вышці скоро 95-тісяч евр про пять субєктів реалізуючіх опатріня соціалноправной охраны дітей і соціалной курателы на теріторії края.  Частьов проґраму є і одобріньом вступу до многых проєктів, як наприклад одобріньом інвестичного плану ‟Добудованя ціклоінфраштруктуры Полонины трайл, 1-ша етапа траса Снина‟, даня підпоры проєкту місту Гуменне в рамках Міста културы 2024 на выбудованя нового културно-комунікачного центра, ці даня фінанчного вкладу в рамках вызвы Фонду на підпору шпорту а то з цільом выбудовати нову ґімнастічну салу на Середній здравотницькій школі в Попраді. Тыж ся будуть заоберати выбудованям  і реконштрукціов циклоінфраштруктуры на выбраных етапах в окресі Пряшів ці приятьом уверу з цільом одканалізувати і зачати чістити одпадовы воды в обєкті Середньой одборной школы лесніцькой в Біяцовціах вєдно приправованого заряджіня соціалных служеб в сумі веце як 730.000 евр. (TASR, Pkf)