Досягованя переміря на выході Україны бы мало быти часово гармонізоване з поступом Києва при выконованю політічных реформ, котры суть обсягнуты в міньскых договорах з року 2015. Російскый презідент Владимір Путін то повів в Паріжи, де в понедільок брав участь на саміті нормандьского формату. Його слова цітовала аґентура ТАСС. Путін так само пожадує додаткы ку україньскій конштітуції, котры бы уможнили реалізацію тзв. Штайнмаєрового плану. В нім рахують наприклад і з окремым статусом Донбасу в рамках Україны. Лідры Україны, Росії, Франції і Німецька вчера договорили ся на повноціннім уплатніню переміря меджі сторонами конфлікту на выході Україны до кінця того року. В рамках саміту одбыло ся і перше білатералне їднаня Путіна з україньскым презідентом Володиміром Зеленьскым, котрый є у функції од мая того року.

(Медвідь, TASR)