Поліція нашла винника, котрый мав вчера вечур, 12-го октобра, стріляти в Братіславі на Замоцкій улиці. Стрілця нашла мертвого. Поліція о тім інформувала на соціалній сіті. К стріляню в центрі Братіславы дошло в середу по 19.00 годині. На місці вмерли двоє мужы. Зранена была єдна жена, котру перевезли до єдной з братіславськых шпиталів. Винник з місця чіну втік. Поліція по нім інтензівно глядала, хоснувала притім псоводів, човен і гелікоптеру. Припад высліджує Народна крімінална аґентура.  (TASR, Pkf)