Европска комісія бы могла запропонувати зморожіня европскых фондів про Польщу і Мадярьско з причіны порушованя засад правного штату іщі перед парламентныма вольбами, котры в Мадярьску ся одбудуть 3-го апріля. Увів то вчера еврокомісар про розрахунок Йоганнес Ганн, котрого цітовала пресаґентура Reuters. Еврокомісія то значіть планує протів обідвом країнам актівовати новый механізмус, котрый давать можность позаставити выплачуваня еврофондів в сітуації нерешпектованя засад правного штату. Судный двір Евроской унії, котрый на імпулз Будапещі і Варшавы досліджує законність нового механізму подмінености, вчера ознамив, же опублікує вердікт дотуляючій ся даного конфлікту 16-го фебруара. (TASR, Pkf)