В Італії в понедільковім першім колі вольбы подля очековань не подарило ся зволити нового презідента. Нихто із кандідатів не здобыв потрібну двотретинову векшыну із цілково 1009 волителів. Головны владны партії уж передтым авізовали, же їх посланці в тайнім голосованю будуть метати до урны порожні листкы, інформовала аґентура DPA. Кедьже ся центрістічноправіцьовы і центрістічнолівіцьовы партії не доїднали на сполочнім кандідатови, є єднако неправдоподобным, жебы наступника Серджа Маттареллы зволили в днешнім другім, або завтрашнім третім колі. У четверь буде уж кандідатови старчіти здобыти просту векшыну голосів.

(Медвідь, ТASR)