Міністерство обороны СР спрацьовало далшых приближні 240 жадостей на тренованя про Народны оборонны сілы. Чісло приголошеных так перевысшыло актуалный став персоналу в актівных залогах. Міністерство тыж реаговало приближні на 3000 жадостей о подрібнішы інформації. На пресовій конференції у Воєньскім  просторі на тренованя – Турецькый Верьх к зачатку першого турнусу тренованя о тім днесь інформовав міністер обороны Роберт Каліняк (Смер-СД). На тренованя в актуалнім турнусі приголосив ся і презідент СР Петер Пеллеґріні. Подля його слов не буде   мати ниякы вынятковы условія ані шпеціалне заобходжіня. Є приправленый остати в центрі цілых 14 дні. Як поуказав, презідентьскы повинности є способный выконовати і з центра.  (TASR, Pkf)