Україньска влада уж од початку рока 2025 достала од Европской унії (ЕУ) 10,5 міліарды евр і до кінця року планує здобыти далшых 20,1 міліарды евр. Інформує о тім аґентура TASS, котра ся одкликала на міністерство фінанцій в Києві. Такым способом в общім розрахункова підпора з ЕУ за три рокы досягує 52,5 міліарды евр. Аґентура Bloomberg в середу інформовала, же Европска комісія (ЕК) загорнула до пропозиції будучого сімрічного розрахункового плану ЕУ на рокы 2028 аж 2034 выняткове установліня о сумі 100 міліард евр на підпору Україны в конфлікті з Російов. Очікує ся, же Комісія пропозицію розрахунку на рокы 2028 аж 2034 представить будучій тыждень. (TASR, Пкф)