Премєр Роберт Фіцо (Smer-SD) авізує поміч влады коло нагороды шкод по бурї на выходї Словакії. Увів то у відеу на соціалній сїтї. ,, Всягды там, де то буде можливе, подать влада коло нагороды шкод помічну руку. Єднак вірю, же штатна гуманітарна поміч, котру рядить міністерство роботы, фунґовала і фунґує ефектівно,“ познаменав. Председу влады мерзять шкоды, котры погода наробила. ,,Як малый хлопець єм на валалї все внимав штири рочны періоды. Приваловы доджі і великы бурїі были вынятковы, но днесь ся ставають бежнов частёв нашого жывота,“ додав.

(TASR, Шутіова)