Ани зміна на місці міністра културы неє причинов на страх, же бы ся стратеґія і політика міністерства културы радикалні змінила, респективні, жебы в новім періоді прийшло к радикалній зміні днешнього тренду, котрым ся резорт снажыть словацькій културі, вєдно той меншыновой, помагати. Марек Мадяріч то про Пресову аґентуру СР повів по скінчіню вчерайшой пресконференції, на котрій повідомив о своїм рішені одступити з посту міністра културы. Свою резіґнацію высвітлив людскым рішенням, повязане с вбивством новинаря Яна Куцяка і його приятелькы. Вылучів, жебы за його рішеням быв політичный калкул до будучности. Презідент Андрей Кіска перебере в понеділок, 5. марця, од міністра културы його абдікацію. У звязку з актуалным діяням на Словакії одночасно Кіска пожадав о выняткове выступліня в РТВС в неділю.
(TASR)

Фото: TASR/P.Zachar