x

Біловежа запрашать на свято русиньскых будителів

00

В суботу 23-го юна одбуде ся в Біловежі перша святочна стріча старостів русиньскых сел – домашнього старосты Петра Мікулы з Володиміром Хімічом із села Верьхній Коропець з україньского Підкарпатя і їх самосправ. Старостове лем перед місяцьом на Дні приятельства і добросусідства у Вышнім Німецькім підписали договор о співпраці. По святочнім засіданю одбуде ся вернісаж выставкы русиньскых малярів. В неділю 24-го юна буде подія продовжовати 37-ым річником фолклорного фестівалу під назвов Свято русиньскых будителів Духновіча і Павловіча, котрых жывот, церьковне і културне діятельство є прямо повязане із селом Біловежа. Орґанізаторы фестівалу – село Біловежа, Русиньска оброда на Словеньску і Вышньошарішскый освітній центер в Бардейові приготовили богатый проґрам, де окрем домашніх колектівів, солістів, декламаторів і народных розповідачів выступлять і гості з Підкарпатя. Сучастьов події буде перед фестівалом святочна літурґія і пєтный акт на дворі парохії, де ся находить памятна табла нашых славных Русинів.
(Кузмякова)