Меморандум о взаємній кооперації іншітуцій підписали у четверь ректор Універзіты ветеринарьского лїкарьства і фармації (УВЛФ) в Кошіцях Йосиф Надь і директор Народного центра здравотницькых інформацій (НЦЗІ) Павол Выршаньскый. Головным заміром є підпорити едукацію будучіх докторів і лїкарників формов взаємной кооперації а зарівно так прыспити ку їх успішному уплатнїню ся в праксі. Універзіта і НЦЗІ будуть взаємно сучінны і коло вытворіня платформы про будучіх докторів в области електронічного здравотництва. ,, Значіть то розшыріня едукачных основ штудентів в области електронічного здравотництва формов преднашок, семінарїв, але і припадного самостатного предмету, як і выздвигнутя інформачных технолоґій в праксі як принос про полегшаня роботы докторів в амбуланціях і в шпыталях,“ увела говоркыня УВЛФ Зузана Бобрікова. Обидва субєкты хотять довєдна приготовлёвати і пропаґачны а едукачны актівіты.

(TASR, Шутіова)