Вольбы будучого презідента будуть мати выняткове значіня про характер штату і розвой Словакії в будучності. На тім ся договорили представителі опозичных партій в  дискусії телевізії ТА3 В політиці, котра была присвячена ближаючім ся презідентскым вольбам і ґенерованю єднотливых кандідатів. Голосять ся к тому, абы демократичну опозицію репрезентував сілный сполочный кандідат, но признавають шак, же догода неє на нім іста. Підпредседа СаС Любомір Ґалко собі думать, же час на догоду іщі фурт існує, за його словами  лібералы  апелують на зодповідність єднотливых кандидатів.