Споєны штаты мають з европскыма союзниками у вопросі російского огрожованя Україны єднотну позіцію. По відеодіскусії з европскыма лідрами то в понедільок вечур оголосив америцькый презідент Джов Байден, пише аґентура АFP. Подля Байдена у вопросі Україны є меджі союзниками абсолутна згода. Лідры ся за словами америцького презідента у майже 80-минутовій відеоконференції згодли на важности меджінародной єдности в повязаню з роснучім російскім тиском. Подля німецького канцеларя Олафа Шолца є на Москві, жебы деескаловала напругы. Ґенералный секретарь НАТО Єнс Столтенберґ остерігав перед важныма дослідками, покля бы дішло ку будьякій далшій аґресії Москвы односно Україны. На відеоговорі брали участь і лідры НАТО, Франції, Італії, Польщі а Европской унії.

(Медвідь, TASR)