Рятовниці на італійскім острові Ісха, котрый в понеділок вечур засягнуло земетрасіня, подтвердили другу жертву. Тіло жены вытягли з руін дому в области містечка Касамісіола, інформувала аґентура ДПА. На основі аґентуры Ройтерс земетрасіням было поранено коло 25 людей. В містечку Касамісіола впало пару домів і костел. Єден шпиталь мусілі евакувати, з вынятком пацєнтів припоєных на дыхачій апарат. Таліянскый вулканолоґічный інштітут спочатку становив маґнітуду на 3,6, пізніше ю звышыв на 4,0. Гіпоцентрум земетрасіня было в близкості острова в глибині коло 10 кілометрів.
(Петро Кімак-Фейко)