Місто Стропків зачало в послідніх дньох з реконштрукційов ювілярного парку. Ставбу реалізує в рамках проєкту з назвом Секова (Sękowa), Стропків, Бобова (Bobowa), Нижня Полянка – посильніня черезгранічной сполупраці в області културной і природной дідовизні, фінанцованого з проґраму Інтерреґ Польща – Словакія. Як конкретізував пріматор Стропкова Ондрей Брендза, же в рамках реконштрукції буде днешня длажба вычеряна, малоформатовов порфіровов длажбов, вычеряне буде світло, парковы лавкы, одпадковы кошы і інформачны табліцї. Містьскый парк поздовш Главной уліці быв заснованый в року 1896 з нагоды великого ювілея  -тісячроча Угорьска – прото ся называть ювілярным парком. Ціла ставба за скоро 193.000 евр бы мала быти докінчена зачатком будучого рока, роботы забезпечує містьскый подник Службы. (TASR, Пкф)