Ґреція представила  днесь новый пакунок кроків на подпору турістичного руху і дальшых секторів, котры засягла пандемія нового коронавірусу. Інформувала о тім аґентура DPA. Частьов даных кроків  в сумі скоро 25 міліярд евр, котры представив премєр Кіріакос Мітсотакіс, суть дотації і даньовы злівы про компанії діючі в області турізму і катерінґу і пониженя дані з приданой годноты на товары і службы повязаны з турістичным рухом. Споминаны крокы зачнуть діяти од 1-го юна до 31-го октобра. Турістичну сезону Ґреція офіціалні одкрыє 15-го юна. (TASR, Pkf)