Война на Україні ся скоро не скінчіть, повів ґенералный секретарь НАТО Єнс Столтенберґ в розговорі публікованім в неділю, інформує аґентура AFP. „Векшына воєн тырвать довше, як ся очековало, кедь почали,“ повів Столтенберґ про німецьку медіалну ґрупу Funke. Зато ся за його словами мусиме приготовити на довгу войну на Україні. В повязаню з амбіціями Україны вступити до НАТО повів, же не є похыбностей, же часом стане членом Североатлантічной аліанції. „Кедь ся тота война закінчіть, потребуєме безпечностны ґаранції про Україну. Іншак історія могла бы ся повторяти,“ доповнив.

(Медвідь, TASR)