В Бруселі суть потрібны зміны, написав в неділю на соціалній сіті председа мадярьской влады Віктор Орбан, котрый наформуловав штири пожадавкы односно Европской унії, якы дотуляють ся войны на Україні, родовой пропаґанды, міґрації і неґатівной позіції Унії односно Польщі і Мадярьска, інформує аґентура TASR. Подля Орбана на граніцях Европы є потрібне досягнути мір. Задачов бруселского веджіня подля його слов не є просаджовати родову пропаґанду і міґрацію, але представляти інтересы народа Европы. Мадряьскый премєр далше написав, же треба храниити сполочны граніці і підтримовати родины, як і зрушыти двоїтый метер односно Поляків і Мадярів.

(Медвідь, TASR)