Міністерка справедливости Марія Коликова моментално не видить причіну, жебы роздумовати над абдікаційов із свойой функції про припад смерти поліцайного експрезідента Мілана Лучаньского. Выголосила то в понедільок з тым, же тота выняткова дія є знеужывана політічно. Демісія бы была подля міністеркы прявом боягузьства. Декларовала, же зробить вшытко, жебы быв припад дослідно вырішеный. Покля ся вкаже, же в дачім зробила хыбу, буде на то реаґовати. Коликова є пересвідчена, же ішло о самоубийство. Вечур міністерство публіковало документы, котры пояснюють зраніня і самоубийство. Міністерка тым хоче потиснути коншпірації і політічне знеужываня припаду.

(Медвідь, ТASR)