Вецей як місяць по Мніховскім договорі, на основі котрой перша Чеськословеньска република (ЧСР) пришла о землю з теріторійов 41.098 кілометрів квадратных, на котрій жыло 4,879 міліона жытелів, была у Відні меджі Мадярьском, Польщов і ЧСР підписана Віденьска арбітраж. По єй підписі гортийовске Мадярьско окуповало южну і выходну Словакію і Підкарпатьску Рус і Поляци знова обсадили дакотры села на Спіші і Ораві. Завтра 2-го новембра мине од підписаня Віденьской арбітражі 85 років. Іде о меджінародный арбітражный вердікт, котрый быв прічінов розпаду меджівойнового Чеськословеньска і отворили драгу націстічній експанзії, котра наконець вела к другій світовій войні. (TASR, Pkf)