Міністерство справедливости зрушыло актуалну дотачну вызву на подаваня жадостей о схваліня дотацій в проґрамі Людьскы права 2024 з алокаційов 769 500 евр. Фінанції планує резорт схосновати на поміч жертвам насилства. Мімовладна орґанізація Post Bellum звертать увагу, же рішіня резорту пришло лем день перед устным выслухованьом жадателів о дотації без будьякой релевантной арґументації. Директорка Post Bellum Сандра Половкова додала, же міністерство заставило єдиный штатный проґрам підпоры проєктів заміряных на область охраны людьскых прав. Поступ властей оцінює як шкандалный.

(Медвідь, TASR)