Ціны листків на автобус в примістьскых автобусах выбраных транспортерів в Пряшівськім і в Кошыцькім самосправнім краю суть од днешнього дня до неділі, 22-го септембра понижены. Іде о актівіту в рамках кампанії Европского тыждня мобіліты.  Пряшівскый самосправный край дасть путуючім зліву у вышкі 75-процентів у вшыткых своїх автобусовых транспортерів. Іде о SAD Prešov, SAD Humenné, SAD Poprad a BUS Karpaty. За словами Леі Гайловой з Уряду Пряшівского самосправного краю іде о дотеперь о найвышшу зліву, кедь же путуючі заплатять лем четвертину з ціны листка. Край ю рефундує зо свого бютжету. Спроваджаючов акційов Европского тыждня мобіліты є здобытя задарьмо безконтактной чіповой карты у вшыткых транспортерів  Пряшівского самосправного края вчасі цілого септембра. (TASR, Pkf)